1..პროექტის სახელწოდება– ,,ვაჟა–ფშაველა''
2..პროექტის მთავარი იდეა (თემა) 1–2 წინადადებით–მოსწავლეები გაეცნობიან ვაჟა–ფშაველას მძიმე ცხოვრებასა და მოღვაწეობას,ცხოვრებისეულ ეპიზოდებს,პოეტის განსაკუთრებულ დამოკიდებულებას ბუნებისა და ბუნების შვილების მიმართ, ვაჟას ნაწარმოებებს.
3.პროექტის აქტუალობა–მოსწავლეები დამოუკიდებლად მოიძიებენ ვიდეო და აუდიო მასალას ვაჟა–ფშაველას ცხოვრებიდან. დარგავენ ნერგებს სკოლის ეზოში. სასწავლო პროცესის განმავლობაში შესრულებული კვლევების შემდეგ მოეწყობა ექსკურსია ფშავში,ვაჟა–ფშაველას სახლ–მუზეუმში.
4.პროექტის მიზნები–პროექტის მიზანია მოსწავლეებს შევაყვაროთ გენიალური ვაჟა–ფშაველას ლექსები,მოთხრობები,პოემები.ვაჟასეული ხედვით დავანახოთ დედა–ბუნება,რათა ჩაწვდნენ მის საოცარ სულსა და ენას.ბუნების სიყვარული შეაძლებინებს მათ უფრო მეტედ გაუფრთხილდნენ საქ–ს ფლორასა და ფაუნას.
5.მონაწილეთა ასაკი–მე–8–მე–9 კლასები.
6.ვადები/ხანგრძლივობა–20–დან–1 თვემდე.
7.მოსალოდნელი შედეგები/პროდუქტები,რაც შეიძლება შეიქმნას–მოსწავლეები გაეცნობიან ვაჟას პირად და პუბლიცისტურ წერილებს.მოთხრობის გმირებს გააცოცხლებენ ნახატებით,საძერწით. ფერადი ქაღალდებით გააკეთებენ აპლიკაციებს.შექმნიან ჩანახატებს, ,ესეს,გამოუშვებენ კედლის გაზეთს,შექმნიან ფოტო–ალბომს;ჯგუფი წარმოადგენს პროექტს ,,ვაჟა–ფშაველა'' აუდიტორიის წინაშე ,თანაკლასელები კრიტიკულად აანალიზებენ და აფასებენ წარმოდგენილ პროექტს .მოსწავლე ამოიცნობს და იყენებს პროექტის პრეზენტაციისათვის საჭირო ხერხებს,იყენებს სხვადასხვა სტრატეგიას პრეზენტაციისათვის.
9.პროექტის მსვლელობა(ძირითადი აქტივობები)–1.საორიენტაციო თემატიკის მოძიება;
2.პროექტში მონაწილე ბავშვების რეგისტრაცია;3.პრეზენტაცია;4.ექსკურსია.
8.წიგნი,ფანქარი.რვეული.საძერწი.ფერადი ფურცლები,ფოტოაპარატი,ინტერნეტი
10.საგნებთან /საგნობრივ ჯგუფებთან /ეროვბულ სასწავლო გეგმასთან კავშირი-მოსწავლეს განუვითარდება საკომუნიკაციო და შემოქმედებითი უნარ–ჩვევები.
11.პროექტის ხელმძღვანელი (მასწავლებელი)–ნ.აბულაძე.
12.ხელმძღვანელის ელ.ფოსტა–nabuladze1976@gmail.com
13.პროექტის ვებ–გვერდი/ბლოგი-nabuladze.blogspot.com.
2..პროექტის მთავარი იდეა (თემა) 1–2 წინადადებით–მოსწავლეები გაეცნობიან ვაჟა–ფშაველას მძიმე ცხოვრებასა და მოღვაწეობას,ცხოვრებისეულ ეპიზოდებს,პოეტის განსაკუთრებულ დამოკიდებულებას ბუნებისა და ბუნების შვილების მიმართ, ვაჟას ნაწარმოებებს.
ვაჟა-ფშაველა
ბიოგრაფია8 წლამდე იზრდებოდა ფშავში, სოფ. ჩარგალში მამის, თვითნასწავლი სოფლის მღვდლის პავლეს, და დედის, ბარბალე (გულქან) ფხიკელაშვილის წვრილშვილიან ოჯახში (ვაჟა-ფშაველას ძმებიც ბაჩანა და თედო რაზიკაშვილები ცნობილი მწერლები გახდნენ). სწავლობდა თელავის სასულიერო სასწავლებელში, 1877-1879 — თბილისის სამასწავლებლო ინსტიტუტთან არსებულ ორკლასიან სამოქალაქო სასწავლებელში, 1879-იდან გორის სამასწავლებლო (საოსტატო) სემინარიაში, რომელიც 1882 წელს დაამთავრა. სიმართლისმაძიებლის თანდაყოლილმა მოწოდებამ ვაჟა-ფშაველა გორის ხალხოსანთა წრესთან დააახლოვა. ერთხანს ამტნისხევში მასწავლობლობდა, 1883-1884 წლებში პეტერბურგის უნივერსიტეტის იურიდიული ფაკულტეტის თავისუფალი მსმენელი იყო.ხელმოკლეობის გამო მალე დატოვა უნივერსიტეტი და რამდენიმე წელიწადს მუშაობდა ჯერ ოთარაშენში, ამილახვარის ოჯახში, შინამასწავლებლად, შემდეგ დიდი თონეთის სოფლის სკოლაში. 1888-იდან ჩარგალში ცხოვრობდა, სხვა გლეხებივით ხნავდა მიწას, უვლიდა საქონელს და ნადირობდა. მთის ხალხში დიდი გავლენით სარგებლობდა. იშვიათად ჩამოდიოდა ბარად. ფშაური ზამთრის გრძელ ღამეებში დაიწერა მისი გენიალური პოემები, მოთხრობები და ლექსები. შემოქმედებავაჟა-ფშაველას პირველი კორესპონდენცია „წერილი ხევსურეთიდან“ 1879 დაიბეჭდა („დროება“, № 1), პირველი თარგმანი ერკმან-შატრიანის მოთხრობისა „ფეოდალის აღზრდა“ — 1880 („ივერია“, № 4), პირველი ლექსი „მეომარი“ — 1881 („იმედი“, № 3-4), პირველი მოთხრობა „სურათი ფშავლის ცხოვრებიდან“ — 1881 („დროება“, № 184). ვაჟა-ფშაველას შემოქმედება XIX საუკუნის ქართული კრიტიკული რეალიზმის უმაღლესი საფეხურია. სამყაროს მამოძრავებელი ძალების, ბუნების „იდუმალი ენის“ წვდომის დაუცხრომელი წადილი მას ქართული რომანტიზმის მწვერვალთა ნ. ბარათაშვილის შემოქმედებასთან ანათესავებს. მაგრამ თუ ბარათაშვილის ლირიკაში ადამიანის შინაგანი, სუბიექტური სამყაროა მოქცეული ყურადღების ცენტრში, როგორც ყოფიერების სასრული, გარდაუვალი იდეების გამოხატულება, მისი პოეზიის ყველაზე ორგანული ნიშან-თვისებაა სინამდვილის მატერიალისტური აღქმა, ქვეყნიერების, „უთვალავ ფერთა“ მთლიანად დანახვისა და წარმოსახვის უნარი. პოეტის მხატვრული მსოფლგაგების ქვაკუთხედია ხალხურობა და რეალიზმი. შემდგომ მის შემოქმედებაში გაღრმავდა ის რეალისტური ტენდეციები, რომლებსაც ი. ჭავჭავაძემ და ა. წერეთელმა მისცა გეზი. ვაჟა-ფშაველას თხზულებებში სინამდვილე მთელი თავისი ხელშესახები, ნივთიერი რეალობით წარმოგვიდგება. მან უაღრესად სრულყოფილი ფორმით გამოხატა „მიწისა“ და „ცის“ — რეალისტურისა და რომანტიკულის — ურთიერთგამსჭვალავი მთლიანობა. პოეზიის ვაჟასეული გაგება, მისი რეალისტური კრედო წარმოჩენილია ლექსებში „მთას ვიყავ“ (1890); „სიტყვა ეული“, „ნუგეში მგოსნისა“ (1894); „სიმღერა“ (1896), ლიტერატულ-კრიტიკულ და პუბლიცისტურ წერილებში „ფიქრები“ (1891), „Pro domo sua“ (1896), «ფიქრები „ვეფხისტყაოსნის“ შესახებ» (1911) და სხვა. პოეტის დამოკიდებულება ხალხურ შემოქმედებასთან მჟღავნდება მის წერილებში „გმირის იდეალი ფშაურ პოეზიის გამოხატულებით“ (1889), „კრიტიკა ბ. იპ. ვართაგავასი“ (1914) და სხვები.ვაჟა-ფშაველას პოეზიაში სრულქმნილად განხორციელდა XIX საუკუნის ქართული ლიტერატურის ერთ-ერთი უმნიშვნელოვანესი მიზანდასახულება — ეროვნული ეპოპეის შექმნის ამოცანა. სამი საწყისი განსაზღვრავს მისი ეპიკური შემოქმედების პათოსს: ჰეროიკული, ტრაგიკული და ჰუმანისტური პოემები „მოხუცის ნათქვამი“, „გიგლია“ (1886), „გოგოთურ და აფშინა“ (1887), „ალუდა ქეთელაური“ (1888), „ბახტრიონი“ (1892), „სტუმარ-მასპინძელი“ (1893), „ივანე კოტორაშვილის ამბავი“ (1896), „სისხლის ძიება“ (1897), „გველის მჭამელი“ (1901) და სხვები]. მან ქართულ პოეზიაში შემოიყვანა ახალი გმირი, რომლის უკომპრომისო ბუნებას, შინაგან სიმრთელეს, დაუშოშმინებლობასა და შეუპოვრობას თითქოს გარემომცველი ბუნების სტიქიური ძალები ასაზრდოებს, ამასთან, სულის სიღრმეში იგი ატარებს დიდ ფიქრს კაცობრიობის ხვედრისა და დანიშნულების შესახებ. ადამიანის ხვედრი ტრაგიკულია, მაგრამ ვაჟა-ფშაველას გმირები ადამიანური ღირსების მაღალი შეგნებით ეგებებიან ბედისწერის განაჩენს (ზვიადაური — „სტუმარ-მასპინძელი“, ალუდა — „ალუდა ქუთელაური“). ჭეშმარიტი ადამიანურობის მაღალ საწყისებს განასახიერებენ სამშობლოსათვის თავშეწირული სახალხო გმირები („ბახტრიონი“). ვაჟა-ფშაველას პერსონაჟების სულიერი თვალსაწიერი ზოგჯერ ვერ თავსდება დაკანონებული ზნეობრივი კოდექსის ჩარჩოებში (ზვიადაური, ალუდა). ცხოვრება მოითხოვდა ძირეულ გარდაქმნას, რაც, პოეტის რწმენით, შესაძლებელი იყო მხოლოდ სულიერად სრულქმნილი, ძლიერი პიროვნების ტიტანური შემართებით. მძაფრ კოლიზიას ამგვარ პიროვნებასა და ვიწრო უტილიტარული ინტერესებით შეზღუდულ საზოგადოებას შორის ავლენს „გველის მჭამელი“. მინდიას ფაუსტური სწრაფვა სამყაროს იდუმალებათა შეცნობისაკენ შერწყმულია ადამიანთათვის თავდადებული სამსახურის ძლიერ წადილთან. „ბახტრიონისა“ და „გველის მჭამელის“ ავტორმა სამყაროს მხატვრულ გააზრებაში შემოიტანა ელემენტი და ამ პრიზმით სინამდვილის ახალი, უჩვეულო მასშტაბები განჭვრიტა. ვაჟა-ფშაველას პოეტური სტილი მკვეთრად გამოირჩევა მთელი XIX საუკუნის ფონზე. მისი ხატოვანი აზროვნების პირველწყარო ხალხური შემოქმედებაა. ვაჟა-ფშაველას პოეზიის ენა კამათის საგნად იქცა (ა. წერეთლის ცნობილი ლექსი „ვაჟა-ფშაველას“, 1913 და ვაჟა-ფშაველას „დაგვიანებული პასუხი აკაკის“, 1913). მისი ენობრივი პოზიცია დაეჭვებას იწვევდა ჩვენს დროშიც. ვაჟა-ფშაველამ გააფართოვა ქართული პოეტური მეტყველების ჩარჩოები, კერძოდ, დიალექტური და ძველი ქართული ფორმების შემოტანით გაამდიდრა ლექსიკა, მრავალფეროვნება შესძინა ლექსის სიტყვიერ ქსოვილს. ვაჟა-ფშაველას მოთხრობებში მთიელთა ყოფა-ცხოვრების ამსახველი რეალისტური სურათების, კოლორიტული ხასიათების ფონზე გახსნილია იმდროინდელი საქართველოს მძაფრი სოციალური კონფლიქტები („პატარა მწყემსის ფიქრები“, „დარეჯანი“, 1886; „პაპას მსოფლიო ფიქრები“, 1903; „უძმოს-ძმა“, 1906 და სხვა). უნიკალური შინაარსისაა XIX საუკუნის ქართული ლირიკის პროზის ნიმუშები „შვლის ნუკრის ნაამბობი“ (1883), „ხმელი წიფელი“ (1888—1889), „ქუჩი“ (1892), „მთიანი მაღალი“ (1895). გასულდგმულებული ბუნების პირით გამოხატულია უგულობისა და ძალმომრეობის წინააღმდეგ მიმართული, ღრმა ჰუმანური იდეალებით შთაგონებული თვალსაზრისი. ზნეობრივი პრინციპების უაღრესი მხატვრული თვალსაჩინოება, თხრობის ფოლკლორული სისადავე და ასეთივე უბრალო, ხატოვანი ენა გამიზნულია მოზარდი მკითხველისათვის. ყველა ეს ნაწარმოები ქართული საბავშვო ლიტერატურის კლასიკური ნიმუშია. ვაჟა-ფშაველას დრამატული ნაწარმოებთაგან („სცენა მთაში“, „სცენები“, 1889; „ტყის კომედია“, 1911; „ნაკვესები“, 1886—1908) აღსანიშნავია დრამა „მოკვეთილი“ (1894), რომელიც წლების განმავლობაში წარმატებით იდგმებოდა ქართულ სცენაზე. ვაჟა-ფშაველა კრებდა და აქვეყნებდა ხალხური პოეზიის ნიმუშებს. ქართული ეთნოგრაფიისა და ფოლკლორისტიკისათვის ფასდაუდებელია მისი წერილები „ფშავლები“, „ფშავლების ცხოვრებიდან“, „ხევსურები“ (1886), „ლაშქრობა“ (1888), „ფშაველი დედაკაცის მდგომარეობა და იდეალი ფშაურის პოეზიის გამოხატულებით“ (1889), „ძველი და ახალი ფშავლების პოეზია“ (1896) და სხვები. „ცივილიზებულ“ სამყაროსთან განშორებული პოეტი გამუდმებით თვალს ადევნებდა კაცობრიობის სულიერი განვითარების რთულ პროცესს და თავდავიწყებით ცდილობდა გამოენახა პასუხი ეპოქის მტკოვნეულ კითხვებზე, დაედგინა მანკიერებათა პირველმიზეზიც და მათგან განკურნვის, ზნეობრივი გამოჯანმრთელობის საღი წყაროები (პუბლიცისტური წერილები „ფიქრები“, 1892, 1901, 1902; „რამე-რუმე მთისა“, 1892; „თიანური ფელეტონები“, 1901, 1902; „კოსმოპოლიტიზმი და პატრიოტიზმი“, 1905; „შავბნელი ამბები“, 1905). ვაჟა-ფშაველას ნაწერები პოეტის სიცოცხლეში ცალკე წიგნად იშვიათად იბეჭდებოდა (მოთხრობათა კრებული, 1889, 1898; „თხზულებანი“, 1899; „ცრემლები“, 1909 და სხვები). 1925-56 ა. აბაშელის თაოსნობით გამოქვეყნდა მწერლის თხზულებათა ყველაზე სრულყოფილი კრებული შვიდ ტომად. ვაჟა-ფშაველას ნაწერები თარგმნილია რუსულ (მთარგმნელები ვ. დერჟავინი, ნ. ზაბოლოცკი, ო. მანდელშტამი, ბ. პასტერნაკი, მ. ცვეტაევა და სხვები), ინგლისურ, ფრანგულ, გერმანულ და სხვა ენებზე. მშვიდობის მსოფლიო საბჭოს გადაწყვეტილებით 1961 წელს მთელ მსოფლიოში აღინიშნა მისი დაბადების 100 წლისთავი. ლიტერატურა
რესურსები ინტერნეტშიავტორის გალერეა ზღაპარიმოთხრობა
ესსეპიესალექსი
პოემა |
|
3.პროექტის აქტუალობა–მოსწავლეები დამოუკიდებლად მოიძიებენ ვიდეო და აუდიო მასალას ვაჟა–ფშაველას ცხოვრებიდან. დარგავენ ნერგებს სკოლის ეზოში. სასწავლო პროცესის განმავლობაში შესრულებული კვლევების შემდეგ მოეწყობა ექსკურსია ფშავში,ვაჟა–ფშაველას სახლ–მუზეუმში.
4.პროექტის მიზნები–პროექტის მიზანია მოსწავლეებს შევაყვაროთ გენიალური ვაჟა–ფშაველას ლექსები,მოთხრობები,პოემები.ვაჟასეული ხედვით დავანახოთ დედა–ბუნება,რათა ჩაწვდნენ მის საოცარ სულსა და ენას.ბუნების სიყვარული შეაძლებინებს მათ უფრო მეტედ გაუფრთხილდნენ საქ–ს ფლორასა და ფაუნას.
5.მონაწილეთა ასაკი–მე–8–მე–9 კლასები.
6.ვადები/ხანგრძლივობა–20–დან–1 თვემდე.
7.მოსალოდნელი შედეგები/პროდუქტები,რაც შეიძლება შეიქმნას–მოსწავლეები გაეცნობიან ვაჟას პირად და პუბლიცისტურ წერილებს.მოთხრობის გმირებს გააცოცხლებენ ნახატებით,საძერწით. ფერადი ქაღალდებით გააკეთებენ აპლიკაციებს.შექმნიან ჩანახატებს, ,ესეს,გამოუშვებენ კედლის გაზეთს,შექმნიან ფოტო–ალბომს;ჯგუფი წარმოადგენს პროექტს ,,ვაჟა–ფშაველა'' აუდიტორიის წინაშე ,თანაკლასელები კრიტიკულად აანალიზებენ და აფასებენ წარმოდგენილ პროექტს .მოსწავლე ამოიცნობს და იყენებს პროექტის პრეზენტაციისათვის საჭირო ხერხებს,იყენებს სხვადასხვა სტრატეგიას პრეზენტაციისათვის.
9.პროექტის მსვლელობა(ძირითადი აქტივობები)–1.საორიენტაციო თემატიკის მოძიება;
2.პროექტში მონაწილე ბავშვების რეგისტრაცია;3.პრეზენტაცია;4.ექსკურსია.
8.წიგნი,ფანქარი.რვეული.საძერწი.ფერადი ფურცლები,ფოტოაპარატი,ინტერნეტი
10.საგნებთან /საგნობრივ ჯგუფებთან /ეროვბულ სასწავლო გეგმასთან კავშირი-მოსწავლეს განუვითარდება საკომუნიკაციო და შემოქმედებითი უნარ–ჩვევები.
11.პროექტის ხელმძღვანელი (მასწავლებელი)–ნ.აბულაძე.
12.ხელმძღვანელის ელ.ფოსტა–nabuladze1976@gmail.com
13.პროექტის ვებ–გვერდი/ბლოგი-nabuladze.blogspot.com.